Një antipastë e shpejtë, brusketa me bukë misri. Brusketat janë një antipastë shumë e shijshme. Mënyrat e gatimit të brusketave janë të ndryshme dhe kombinimet mund të bëhen sipas dëshirës.
Kjo recetë për brusketa me bukë misri është shumë e thjeshtë dhe shumë e shijshme nëse pëlqeni bukën e misrit.
Brusketa me bukë misri
Sasia: 3 persona
Kalori: 100kcal
Përbërësit
- 300 gr bukë misri
- 200 g domate qershi
- 1 degë borzilok i freskët
- 1 thelbi hudhër
- pak kripë
- pak rigon
- vaj ulliri
Përgatitja
- Për të përgatitur brusketa me bukë misri, buka e misrit duhet të jetë e hollë, në rast se është e trashë mund ta prisni në mes në dy pjesë. Vendosim një tigan në zjarr dhe e thekim derisa të bëhet krokante.
- Ndërkohë që ftohet grijmë domatet në kubikë të vegjël, i hedhim hudhrën e grirë, kripë, rigon, borzilok të frëskët, vaj ulliri dhe i përziejmë. Ideale është që masën me domate pa përgatisni disa orë më parë.
- Pasi buka e misrit është ftohur e fërkojmë më hudhër dhe i vendosim sipër domaten dhe pak nga lëngu i krijuar.
- Brusketa me bukë misri është gati.
Lexoni gjithashtu recetën për antipasta me fiq.
Ju bëftë mirë
