Për të evituar infenksionet në veshka është ideale të konsumoni ushqime të shëndetshme që sigurojnë një larmi vitaminash, mineralesh dhe antioksidantësh që sigurojnë pastrimin e veshkave por që kanë sasi të vogla kalium dhe fosfor.
Ushqimet që përmbajnë antioksidantë mund të ndihmojnë në neutralizimin e radikalëve të lirë në trup. Ushqimet që mbrojnë veshkat nga oksidimi mund të jenë zgjedhje e mirë për pacientët me dializë ose njerëzit me sëmundje kronike të veshkave.
1. Peshku i yndyrshëm
Nëse dëshironi të hani peshk, zgjidhni salmon, ton albacore, skumbri, ose harengë sepse ato rrisin acidet yndyrore omega-3 dhe yndyrnat mono-të pangopura në dietë. Ja një recetë e shijshme me salmon.
Peshk Salmon në furrë me erëza
2. Të bardhat e vezëve
Meqenëse të verdhat e vezëve përmbajnë shumë fosfor, i cili duhet të shmanget nëse vuani nga sëmundjet e veshkave, më mirë konsumoni të bardhat e vezëve për një zgjedhje të shëndetshme dhe të sigurt për veshkat.
3. Lulelakër
Perimet janë të pasura me antioksidantë, përfshirë vitaminat C dhe K, kalcium, hekur dhe magnez. Përveç sigurimit të efekteve anti-inflamatore, antivirale dhe antibakteriale, lulelakra është gjithashtu një burim i shkëlqyeshëm i fibrave. Lexoni gjithashtu recetën mëposhtë si të gatuani një antipastë të shijshme me lulekakër.
Antipaste me lulelakër
4. Manaferrat
Manaferrat, veçanërisht boronicat, janë një burim i shkëlqyeshëm i antioksidantëve natyralë. Ato janë gjithashtu ideale për një dietë për veshkat sepse kanë pak fosfor, kalium dhe natrium dhe gjithashtu ulin inflamacionin.
5. Vaj ulliri
Vaji i ullirit është një përbërës thelbësor në kuzhinë, prandaj është një plus që është miqësor për veshkat. Vaji i ullirit përmban acid oleik, i cili ka efekte anti-inflamatore dhe është pa fosfor.
6. Hudhër
Jo vetëm që ka erë dhe shije të shijshme, por hudhra gjithashtu përmban vitaminë C dhe vitaminë B6. Sigurohuni që të përdorni hudhrën si një përforcues aromash gjatë gatimit në vend që të shtoni kripë.
7. Rrushi i Kuq
Rrushi i kuq përmban flavonoide, të cilat ndihmojnë në parandalimin e inflamacionit. Një studim në 2017 tregoi se marrja ditore e rrushit mund të ndihmojë në uljen e përparimit të sëmundjes së veshkave.
8. Pulë
Pula pa lëkurë përmban më pak yndyrë, natrium dhe fosfor sesa pula me lëkurë, prandaj është një zgjedhje e mirë për një dietë specifike për veshkat. Plus, është e lehtë të përfshihesh në receta të panumërta. Ja një recetë e veçantë me mish pule.
Qofte me mish pule
9. Lakër
Është e pasur me lëndë ushqyese dhe minerale, të cilat janë të shkëlqyera për shëndetin e veshkave, si dhe shëndetin e stomakut. Në lakër, do të gjeni kalcium, vitaminë K, vitaminë C, fibra, mangan, vitaminë B6, folate dhe më shumë.
10. Speca të kuq
Specat e kuq janë të mbushur me vitaminë C dhe vitaminë A, e cila përmirëson sistemin imunitar. Gjatë sëmundjes të veshkave keni një sistem imunitar të dobët, kështu që sa më shumë nga këto vitamina, aq më mirë. Nëse dëshironi një recetë gatimi me speca, lexoni recetën në vijim.
Speca me gjizë
Vazhdoni të na ndiqni për këshilla të tjera shëndeti.
