Frutat dhe perimet janë pjesë e një diete të shëndetshme, të ekuilibruar dhe ju ndihmojnë të qëndroni të shëndetshëm dhe në peshë normale. Është shumë e rëndësishme që të konsumoni sasinë e duhur çdo ditë.
Konsumoni 5 porcione fruta-perime çdo ditë
Provat tregojnë se ka përfitime të konsiderueshme shëndetësore për të konsumuar të paktën 5 porcione me një larmi frutash dhe perimesh çdo ditë. Kjo dmth 5 porcione me fruta dhe perime në total, jo 5 porcione nga secila. Një pjesë e frutave ose perimeve e përshtatshme për tu konsumuar është 80g.
10 fruta dhe perime që falin hidratim
Fushata “5 porcione në ditë” bazohet në këshillat e Organizatës Botërore të Shëndetit (OBSH), e cila rekomandon të hani minimumi 400 gr fruta dhe perime në ditë për të ulur rrezikun e problemeve serioze shëndetësore, të tilla si sëmundjet e zemrës, goditjet në tru dhe disa lloje të kanceri.
5 arsye për të ngrënë 5 porcione në ditë:
- Frutat dhe perimet janë një burim i pasur i vitaminave dhe mineraleve, përfshirë folatin, vitaminën C dhe kaliumin.
- Janë një burim i shkëlqyeshëm i fibrave dietike, të cilat mund të ndihmojnë në mirëmbajtjen e një zorrë të shëndetshme dhe parandalimin e kapsllëkut dhe problemeve të tjera të tretjes. Një dietë e pasur me fibra gjithashtu mund të zvogëlojë rrezikun për kancer të zorrëve.
- Ato mund të ndihmojnë për të zvogëluar rrezikun e sëmundjes së zemrës, goditjes në tru dhe disa llojeve të kancerit.
- Frutat dhe perimet kontribuojnë në një dietë të shëndetshme dhe të ekuilibruar.
- Frutat dhe perimet janë shumë të shijshme dhe kanë shumëllojshmëri zgjedhjeje.
