Karkaleca të skuqur për një meze dhe një gotë vere të bardhë. Këtë pjatë e kemi shoqëruar me një salcë me domate të freskëta që do i japi akoma më shumë shijë. Nëse ju pëlqen speci djegës do jua këshilloja të shtonit pak tek salca.
Karkaleca të skuqur dhe shoqëruar me salcë
Sasia: 4 persona
Kalori: 240kcal
Përbërësit
- 600 gr karkaleca
- vaj për skuqje
Për brumin
- 140 gr miell
- 2 kokrra vezë
- 190 ml qumësht
- pak kripë
Për salcën
- 100 gr domate
- 100 ml ujë
- 50 ml verë e bardhë
- 2-3 lugë vaj ulliri
- 1 lugë mjaltë
- 30 gr sheqer
- pak kripë
- 1 maj luge niseshte
Përgatitja
Si të pastrojmë karkalecat?
- Në fillim lajm e pastrojmë karkalecat duke filluar nga pjesa e kokës pastaj pjesët e tjera. Duhet të kemi parasysh të heqim pjesën përgjatë barkut e cila shpesh here është me ngjyrë të zezë. Karkalecat i marinojmë për 5 minuta në një qeskë me pak kripë të ashpër dhe më pas i heqim.
Përgatitja e brumit për skuqje
- Në një enë qelqi rrahim vezët dhe në të shtojmë qumështin e ftohtë. Hedhim miellin dhe e trazojmë mirë që mos të ngelet kokrriza. E lëmë të pushojë për disa çaste.
- Me anë të një pince kuzhine karkalecat i marrim një nga një i kalojmë brumin e përgatitur dhe i radhitim në një pjatancë. Më pas vendosim një enë me vaj të bollshëm në zjarr.
- Pasi të ngrohet vaj i hedhim karkalecat një e nga një duke i kthyer nga të dyja anët. Pasi të kenë marrë një ngjyrë të artë i heqim dhe i vendosim me një letër kuzhine për ti hequr vajin e tepërt.
Përgatitja e salcës
- Domatet i pastrojmë nga lëkura dhe farat dhe i grijmë në grirës elektrik. Shkrijmë niseshte në ujë dhe shtojmë sheqerin me mjaltin. Domatet e grira i hedhim në një enë me vajin e ullirit dhe me verën ose pak uthull dhe i ziejmë në zjarr të ngadaltë derisa salca të trashet.
- Nga fundi salcën e rregullojmë me kripë.
- Karkaleca të skuqur i vendosim në një pjatë dhe salcën e vendosim në një kupë të vogël. Në këtë mënyrë mund ti ngjyejmë më salcën e përgatitur.
Equipment
- Grirës elektrik
Receta për karkaleca në furrë, sallatë me karkaleca ose rizoto me karkaleca deti.
Ju bëftë mirë!
2 comments
not easy to print,
beje kollaj to print, nuk e bej dot print recipe
Përshëndetje Majlinda,
Faleminderit per sugjerimin! Do të mundohemi ta sistemojmë