Një ndër traditat e pashkëve janë vezët e kuqe apo edhe ngjyrosja e vezëve shumëngjyrëshe. Kjo është një traditë shume antike e trashëguar brez pas brezi që përdoret në raste festash dhe jo vetëm. Në Romën e lashtë ngjyrosja e vezëve ishte edhe simbol i fatit dhe ngjyra e kuqe si një ogur fatsjellës dhe shenjë e fertilitetit.
Produktet për ngjyra për vezët e pashkëve në treg janë nga me të ndryshmet. Por duhet të dini si ka shumë mënyra të lehta e natyrale se si të ngjyrosni në shtëpi vezët për Pashkë.
Për ti ngjyrosur vezët në mënyre natyrale është fare e thjeshtë nga çfarë mendoni. Mjafton të përdorni, lëkura qepe, kafe, shafran, spinaq, boronica, panxharë të kuqe etj. Është e rëndëdësishme që të përdorni vezë ne ngjyrë të bardhë, pasi rezultati është
Vezë të kuqe për pashkë me rrepa të kuq
Për të përgatitur vezë të kuqe në mënyrë natyrale, grijmë rrepat e kuq dhe i hedhim në një enë me ujë. Shtojmë dhe vezët në të dhe i vendosin në zjarre. I ziejmë për 15-20 minuta së bashku. Më pas transferojmë vezët në një vazo dhe e mbushim me ujin e ngjyrosur të kuq. Shtojmë një lugë gjellë uthull të bardhë.
Si të bëjmë vezë me ngjyrë jeshile me spinaq
Për të përgatitur vezë me ngjyrë jeshile, hedhim spinaqin në një enë së bashku me vezët. I ziejmë për të paktën 15-20 minuta së bashku. Më pas transferojmë vezët në një vazo me lëngun e formuar në ngjyrë jeshile. Shtojmë edhe ketw një lugë gjelle uthull të bardhë.
Vezë me ngjyrë blu me boronica
Ziejmë boronicat në një enë më ujë së bashku me vezët. Me pas i transferojmë në një vazo me lwngun e formuar me ngjyrë. Shtojmë një lugë gjelle uthull të bardhë.
Çyrek – Receta gatimi për festa
Vezë me ngjyrë kafe
Përgatisim 5 filxhan kafe dhe vazhdojmë të njëjtën procedurë edhe për të marrë vezë me ngjyrë kafe. Ideale është të përdorim kafe turke.
Vezë me lëkura qepe për ngjyrë bordo
Lëkurat e qepës të verdhë apo bionde i hedhim në një enë me ujë dhe shtojmë vezët. Vazhdojmë procesin si sipër.
Vezë të ngjyrosura me kurkurma ose shafran
Hedhim pluhurin e kurkumës në një enë dhe shtojmë ujë të ftohtë. Pasi tretet shtojmë vezët dhe më pas veprojmë si sipër.
Të gjitha vazot me vezë dhe me ngjyrën përkatëse duhet ta lëmë për rreth 5 orë ose edhe 1 natë. Rezultati i ngjyrosjes së vezëve për Pashkët në kushte shtëpie me përbërës natyral është i mahnitshëm.
Shfletoni recetat që kemi përgatitur për festën e Pashkëve dhe ndani gatimet tuaja në hapësirën e komenteve.
