Mënyrat për të përgatitur sallatë cezar janë nga më të larmishmet. Kjo mund të përdoret si meze në dreka dhe darka familjare. Përgatiteni salcën për cesar disa orë më parë kështu shija është akoma më e fortë dhe sallata akoma më e shijshme.
Sallatë Cezar me pulë
Sasia: 4 persona
Kalori: 240kcal
Përbërësit
Përbërësit për sallatën:
- 400 gr sallatë jeshile
- 300 gr fileto pule
- 2 feta bukë e thekur
- 50 gr djathë parmixhano
- 2 kokrra domate sipas dëshirës
- 10 gr kripë
Përbërësit për salcën:
- 90 ml majonezë ose senape
- 2 lugë gjelle vaj ulliri
- 1 lugë gjelle lëng limoni ose uthull
- 5 gr kripë
Përgatitja
- Fillimisht ndajmë fileton në copa të vogla dhe i skuqim me pak kripë dhe piper por me temperaturë të ulët që të mos arrijnë të thahen plotësisht por të qëndrojnë të buta.
- Ndajmë edhe bukën në pjesë të vogla dhe e thekim mjaftueshëm sa për tu konsumuar. Alternative fileton e pulës mund ta përgatisni në skarë.
- Ndërkohë në një enë përziejmë majonezën, vajin e ullirit, lëngun e limonit ose uthullën duke i hedhur pak kripë. I trazojmë dhe i lëmë së bashku për pak kohë.
- Presim sallatën jeshile dhe e vendosim në pjatë. Sipër grijmë djathin parmixhano duke shtuar më pas bukën e thekur të prerë dhe fileton e pulës.
- Të gjithë përbërësit i përziejmë dhe sipër hedhim salcën e përgatitur. Sallatë cesar më pulë është gati, sipas dëshirës shtojmë dhe disa domate të vogla.
Receta për sallatë panxhari, sallatë quinoa ose sallatë me karkaleca
Ju bëftë mirë!
