Pulë në tavë me patate

Pulë në tavë me patate është një nga ato pjatat tipike të fundjavës. Ky kombinim është i përsosur dhe shume i shijshëm. Edhe erëzat në këtë recetë mund të jenë nga më të ndryshmet. Le të shikojmë hapat për përgatitjen e kësaj pjate.

Pulë në tavë me patate

Prep Time20 minutes
Cook Time40 minutes
Total Time1 hour
Course: Main Course
Cuisine: Albanian
Keyword: gjelle
Sasia: 4 persona
Kalori: 350kcal

Përbërësit

  • 1 pulë fshati
  • 1 kg patate
  • 5 kokrra domate
  • 3 thelpinj hudhër
  • kripë
  • piper i zi
  • piper i kuq
  • rozmarinë
  • 100 ml verë e bardhë
  • 100 ml vaj ulliri

Përgatitja

  • Për të përgatitur pulë në tavë me patate, duhet të zgjedhim një pulë fshati. Pasi ta kemi pastruar e lajmë mirë. E fshijmë me një pecetë më pas e përcëllojmë pak në flakën e zjarrit për të djegur disa pushra që mund të ketë pula mbi lëkurë.
  • Pulën e presim në thela. Më pas lajmë patatet, domatet dhe i presim në format që dëshirojmë. Patatet dhe thelat e pulës i hedhim në tavë, duke shtuar hudhrat dhe gjethe rozmarine.
  • Në një enë hedhim vajin, piperin e zi, piperin e kuq, kripën dhe e përziejmë. Këtë përzierje do ta hedhim me lugë në të gjithë sipërfaqen e tavës së bashku me verën e bardhë.
  • Tavën e pjekim në furrë të parangrohur në temperaturën 200° për 35-40 minuta.
  • pulë në tavë me patate është gati, e shërbejmë mishin e pulës në pjatë të shoqëruar me patate.

Receta për pulë me oriz në tavë ose pulë e mbushur.

Ju bëftë mirë!

1 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Mish me surprizë

Kjo pjatë është një pjatë e dytë, por fare mirë mund të përgatitet dhe për një aperitiv. Ju ka qëlluar ndonjëherë që të keni gatuar shumë dhe ditën tjetër nuk dini se ç'të bëni me gjithë ushqimin e mbetur? Kjo është një nga ato receta që riciklon atë që na ka mbetur në frigorifer. Ne në këtë recetë kemi përdorur rolenë e pulës, por ju fare mirë mund të vini cdo lloj mishi që keni për momentin, mund të vini në vend të proshutës sallame të ndryshëm. është një recetë e shpejtë dhe e shijshme.

Gjel deti i pjekur

Gjeli i detit është një karakteristikë e darkës së funvitit në Shqipëri. Nuk mund ta mendojmë tryezën pa patur në mes të saj mishin e pjekur të gjelit të detit. Ne e kemi pjekur shumë thjesht, veç me kripë e gjalpë, pa shtuar erëza të tjera, por nëse dëshironi mund ti shtoni piper ose ta mbushni me arra.

Super Qofte e mbushur

Kjo është një pjatë për gjithë familjen. E kush nuk i pëlqen qoftet!Në këtë recetë ne japim një mënyrë të veçantë për ti përgatitur ato: një qofte rolè e mbushur brenda me djathë e proshutë. Një recetë e shpejtë dhe sidomos e shijshme.