Kripa përdoret në kuzhine për të konservuar ushqimet por edhe për të nxjrrë shijet në pah. Konsumimi i tejkaluar i kripës na predispozon vazhdimisht për shfaqjen e sëmundjeve kardio-cerebrovaskulare, sëmundjet e veshkave, osteoporozën dhe disa tumore. Këto janë disa këshilla të thjeshta që e gjithë familja të konsumojë më pak kripë.
Në shtëpi
- Në vend që të shtoni kripë gjatë gatimit, provoni të shtoni erëza – piper të zi, barishte të freskëta, hudhër ose lëng limoni.
- Mbajeni kuzhinën pa kripë!
- Përdorni në sasi shumë të vogël salcat e gatshme që janë të gjitha me shumë kripë. Në vend të salcave të gatshme mund të provoni ti bëni vetë duke i hedhur më pak kripë.
- Përdorni më shumë produkte të mishit dhe peshkut që janë të freskëta jo ato që janë të përpunuara ose të marinuara.
- Ulni sasitë e porcionit tuaj – kjo do t’ju ndihmojë të mbani një peshë normale dhe të konsumoni më pak kripë.
- Synoni t’i bëni ritual ushqimet e gatuara në shtëpi.
- Ka disa receta të shëndetshme për të pasur një zemër të shëndetshme në: Irish Heart Foundation, British Heart Foundation, si dhe në listën tonë të recetave me pak kripë në website Arti Gatimit.
Këshilla per ushqyerje të shëndetshme.
Kur bëni pazar
- Hiqeni zakonin që të keni ushqime me shumë kripë në shtëpi – mos i vendosni as në shportën tuaj të blerjes!
- Kur blini ushqime të paketuara, krahasojini me njëra-tjetrën dhe merrni produktet që kanë më pak kripë.
- Nëse përdorni ushqime të gatshme, shikoni opsionet me kripë të reduktuar
- Blini më shumë mish të freskët (si mish derri, ose gjoks pule pa lëkurë) dhe më pak mish të përpunuar (si proshuta, salcice).
Ngrënia jashtë
- Provoni të filloni vaktin me bazë frutash, perimesh ose sallate.
- Porosisni ushqime që janë plot shije natyrale ose erëza (si turli.)
- Gjithmonë provoni ushqimin tuaj përpara se të shtoni ndonjë erëzë tjetër.
- Provoni të shtoni piper të zi të freskët për aromë në vend të kripës.
- Zgjidhni shumë rrallë mish të kripur si proshutë.
- Kërkoni salcë për tu servirur në enë – në këtë mënyrë ju mund të kontrolloni sa përdorni .
- Zgjidhni salcë domate, pikante ose me bazë frutash – këto lloj salcash kanë soje, krem ose gjalpë dhe sigurisht më pak kripë.
Këshilla si të reduktoni përdorimin e tepërt të kripës
