Liker luleshtrydhe i përgatitur në shtëpi pa konservues dhe kimikate të dëmshme. Ka shume pije me esencë luleshtrydhe në treg, por ja vlen mundimi të përgatisni në shtëpi këtë pije të veçantë me shije luleshtrydhe.
Liker Luleshtrydhe
Sasia: 4 shishe
Kalori: 240kcal
Përbërësit
- 300 gr luleshtrydhe
- 200 ml alkool
- 300 ml ujë
- 180 gr sheqer
Përgatitja
- Për të përgatitur këtë pije liker luleshtrydhe, pastrojmë luleshtrydhet nga bishat, i lajmë në ujë të rrjedhshëm dhe i presim në kubik.
- Luleshtrydhet e prera i vendosim në një vazo të sterilizuar ku shtojmë edhe alkoolin.
- E mbyllim mirë dhe lemë për 7 ditë luleshtrydhet së bashku me alkoolin. Gjatë kësaj kohe vazon e tundim shpesh herë, që luleshtrydhet të lëshojnë lëngun e vet në alkool. Pas 7 ditësh, në një tenxhere ziejmë ujin me sheqerin për të bërë sherbetin.
- E lemë sherbetin të ftohet dhe hedhim në të luleshtrydhet me alkoolin. E trazojmë, duke e lënë për 5 minuta të tjera të gjithë përbërësit bashkë. Më pas i kullojmë dhe pijen e hedhim në shishe të kulluar.
- Liker Luleshtrydhe është gati, presim disa ditë dhe e shërbejmë.
Pije kundër plakjes
Ju bëftë mirë nga Arti Gatimit
