Shparg me vezë është një pjatë e shijshme dhe mund të përgatitet në mënyra të ndryshme. Këto produkte shkojnë shumë më njëra tjetrën ku shija delikate e shpargut forcohet nga veza dhe rezultati është fantastik.
Shparg me vezë
Sasia: 2 persona
Kalori: 120kcal
Përbërësit
- 12 copë shparg
- 2 kokrra vezë
- 50 gr djathë i grirë
- 50 gr tahini
- piper
- kripë
- vaj ulliri
Përgatitja
Shparg me vezë të rrahura
- Për të përgatitur shparg me vezë të rrahura si fillim qërojmë dhe pastrojmë mire perimet. Shpargut mjafton ti presim pak fundit dhe ta pastrojmë.
- Në një tigan me vaj ulliri hedhim në të shparg dhe pas disa çaste vezët e rrahura me pak kripë dhe piper. I lëmë në zjarr për tre minuta. Sipër shtojmë djathë të grirë.
Shparg me vezë të zier
- Shparg në këtë rast mund ti ziejmë për pak minuta në një enë me avull. Ziejmë dhe vezët për 4-5 minuta dhe i shërbejmë në pjatë të spërkatur më vaj ulliri, kripë dhe piper.
Shparg me vezë sy
- Ziejmë në avull për pak minuta shpargun dhe i vendosim në pjatë ku kemi shtruar pak salce tahini. Në një tigan më vaj ulliri dhe pak gjalpë hedhim vezën pa e prishur.
- Pasi është skuqur, vezën e vendosim sipër shpargut.
Receta për oriz me shparg, shparg me pete sfoliat
