Krostatë me reçel kajsie

Hedhim në një enë të bollshëm sheqerin, gjalpin e prerë në kubik dhe lëkurën e një limoni biologjik. I përziejmë shpejt me duar derisa të përzihen mirë së bashku. Më pas shtojmë vezët dhe i përziejmë me ndihem e ndonjë rrahëse. Pasi janë bashkuar të gjithë përbërësit hedhim masën në miellin që e kemi hapur në tavolinën e punës. Masën e punojmë me dorë në tavolinë për gati 7-10 minuta.

Pasi kemi përgatitur brumin e shkrifët e mbështjellim me qeskë kuzhine dhe e lemë në frigorifer për të paktën 1 orë.

Pasi ka kaluar koha e mjaftueshme brumin e shkrifët e hapim me pec (okllai) rreth gjysmë centimetri dhe e vendosim në një tavë më borde të ulët.

Petën që kalon buzët e tavës e presim me thikë. Sipër petës hedhim reçel kajsie duke e hapur me kujdes në të gjithë sipërfaqen e tavës. Pjesët e brumit që ngeli e hapim përsëri dhe e presim në rripa me gjerësi rreth 1 cm.

Rripat e brumit i vendosim me kujdes sipër krostatës me reçel kajsie, si në figurë.

Krostata me reçel kajsie është gati për tu pjekur, tavën e futim në furrë të para ngrohur për 20-30 minuta.

Ëmbëlsira është gati dhe mund ta shoqërojmë akullore ose në mëngjes me qumësht.