Do të shikojmë recetën për gliko kumkuat apo siç njihen ndryshe me emrin mandarina kineze. Kumkuat janë fruta të vogla të pasura me vajra esenciale dhe veti kundër tumorit. Këto fruta kanë një përdorim të gjerë në kuzhinë, ideale për të përgatitur marmelata apo komposto.
Gliko Kumkuat – Mandarina Kineze
Sasia: 4 vazo
Kalori: 120kcal
Përbërësit
- 1 kg fruta kumkuat
- 800 gr sheqer
- 300 ml ujë
- lëngu i gjysmë limoni
Përgatitja
- Mandarinat kineze i lajmë mirë në ujë të rrjedhshëm. Më pas frutat i shpojmë në 4/5 vende. Ndërkohë në zjarr vendosim një enë me ujë të bollshëm. Në kohën që merr valë uji hedhim frutat kumkuat. I lemë në zjarr për 10 minuta nga koha që marrin valë.
- Më pas i heqim nga zjarri dhe i kullojmë. Ky proces përsëritet tre here. Dmth përsëri i hedhim në një enë tjetër me ujë të nxehtë duke vluar dhe i ziejmë 10 minuta. Në këtë mënyrë frutave i ikën hidhërimi. Pasi i kullojmë herën e tretë i vendosim në një enë dhe merremi me sherbetin.
- Ndërkohë përgatisim sherbetin. Vendosim 300 ml ujë në zjarr së bashku me sheqerin. Sapo të fillojë të marri valë i hedhim lëngun e gjysmë limoni.
- Hedhim në sherbet mandarinat kineze. Gliko kumkuat e ziejmë për 1 orë në zjarr shumë të ngadalshëm. Në këtë mënyrë sherbeti do të trashet.
- Gliko kumkuat është gati, mjafton ta hedhim nëpër vazo të sterilizuara dhe mund ta konservojmë për një kohë të gjatë.
- E njëjta procedure kryhet edhe për te përgatitur gliko me mandarina. Në faqen tonë gjeni edhe recetën për gliko portokalle.
Gliko arre
Receta për Gliko qershie
Gliko Shalqiri
Ju bëftë mirë!
Mos harroni ti shpërndani recetat tona me miqtë tuaj!
