Lëng molle i përgatitur në shtëpi ka shume veti për organizmin tonë, pasi nuk përmban konservant apo produkte të tjera kimik. Gjithashtu mollët janë të pasura me fibra, antioksidues dhe kripëra minerale. Për të përgatitur lëngun e mollës mund të përdoren varietete të ndryshme të mollës si për shembull Fuji, Gala, Golden etj.
Lëng Molle Natyral
Sasia: 4 persona
Kalori: 130kcal
Përbërësit
- 1 kg mollë
- 1.200 L ujë
- 180 gr sheqer
- 1 limon
Përgatitja
- Lajmë mirë mollët dhe i presim në copa dhe i vendosim në një enë ku kemi hedhur ujin dhe shtrydhur lëngun e limonit. Mollët duhet ti pastrojmë nga farat.
- Hedhim më pas edhe sheqerin. Nëse mollët janë shumë të ëmbla hedhim pak sheqer, gjithsesi varet nga shija si ju pëlqen. Mund edhe mos të hidhni sheqer.
- Mollët i vendosim në zjarr të ulët për 20 minuta. Më vonë i lëmë të ftohën dhe i grijmë më mikser me zhytje. Lëngu i mollës duhet të jetë fluid dhe pa copa molle në të.
- Në hapin tjetër kalojmë lëngun e mollë në një sitë të imët. Lëng mollë është gati, mjafton të mbushim shishet dhe e shpërbejmë të freskët.
- Nëse duam ta konservojmë më gjatë, shishet me lëng molle i ziejmë në një enë me ujë për 30 minuta. Gjithmonë duke vendosu një rrobë në fundin e enës dhe midis shisheve. Në këtë mënyrë nuk rrezikojnë të thyen.
- Tani lëngun e mollës e përgatitur në shtëpi mund ta ruajmë për një kohë të gjatë. Konservimi behët në një vend të errët dhe pa lagështi.
Mirëpresim komentet tuaja, gjithashtu ju ftojmë të rekomandoni faqen tek miqtë tuaj dhe ju këshillojmë të lexoni edhe recetat për:
