Receta për kungull tave është një mënyrë e thjeshtë për të përgatitur këtë perime. Kjo recetë gatimi është një gatim tradicional që përdorej shumë nga gjyshet tona, të cilat i ruanin kungujt në vend të errët dhe pa lagështi dhe kështu kishin kunguj për gjatë gjithë dimrit.
Kungull tave në dy versione
Sasia: 6 persona
Kalori: 170kcal
Përbërësit
Versioni i kripur
- 1 kg kungull
- 250 ml qumësht
- 2 kokrra vezë
- 2 lugë gjelle miell misri
- 4 lugë gjelle miell gruri
- pak kripë
- vaj ulliri
- pak gjalpë
Për versionin e ëmbël
- 150 gr sheqer
Përgatitja
- Kjo recetë kungull tave përgatitet me kunguj të mëdhenj, jo me kungulleshka.
- Në fillim ndajmë kungullin në pjesë dhe e qërojmë nga lëkura. Marrim pjesët e prera dhe i grijmë një nga një në rende. Kungullin e grirë e lënë disa minuta të pushoj nëse është i njomë.
- Në një enë hedhim miellin e grurit dhe pak qumësht. E trazojmë brumin derisa të bëhet si brumi i petullave.
- Kungullit të grirë i hedhim kripë (në rast se duam versionin e ëmbël, hedhim sheqer), miellin e misrit, vezët, qumështin e ngelur dhe vajin. Te gjithë masën me kungull e trazojmë mirë.
- Në një tavë të lyer me vaj hedhim pak më shumë se gjysma e brumit që përgatitëm në fillim, sa të mbuloi të gjithë sipërfaqen e tavës. Sipër do të hedhim masën e kungullit duke e shpërndarë në të gjithë tavën. Sipër kungullit do të hedhim gjalpin dhe pjesën tjetër të brumit. Foto në vijim tregon kungullin në tavë përpara se ta pjekim në furrë.
- Tavën e pjekim në furrë të nxehur në temperaturën 200 gradë për 35-40 minuta. Kungull tave është gati, shërbehet i ngrohtë ose sipas dëshirës.
- Kungulli është shumë i dobishëm për trupin tonë. Ai përmban proteina, fibra, kalcium etj prandaj ju rekomandojmë ta konsumoni sa më shumë.
Receta për byrek me kungull
Ju bëftë mirë nga Arti gatimit
2 comments
Kjo recet ishte super
E provova shum e mire
Ishte ju flm shume qe na tregoni receta te reja
Faleminderit për komentin. Vazhdoni të na ndiqni!