Sot do të shikojmë një mënyre të veçantë për të përgatitur orizin. Pilaf turk me mish është një pjatë që duhet provuar patjetër. Kemi zgjedhur për të përgatitur një pjatë të parë me të vërtet speciale.
Tave pilaf turk me mish dhe rrush të thatë
Sasia: 6 persona
Kalori: 260kcal
Video
Përbërësit
- 300 gr oriz për pilaf
- 600 ml ujë
- 100 gr mëlçi qengji
- 400 gr mish qengji pjesë kofshe
- 2 lugë salcë domate
- 2 kokrra domate të pjekura
- 100 gr rrush i thatë
- 100 gr fistikë
- 100 gr gjalpë
- 1 lugë e vogël kanellë
- 1 lugë e vogël sheqer
- 1 kokërr qepë
- vaj ulliri
- kripë
- piper
Përgatitja
- Fillojmë duke pastruar mishin nga ndonjë pjesë kofshe dhe e presim në copa jo shumë të vogla. Më pas pastrojmë dhe lajmë mëlçitë e qengjit dhe i presim në kubike.
- Vendosim një enë në zjarr dhe hedhim vaj ulliri dhe shtojmë edhe gjalpin. Më pas hedhim mishin e qengjit të prerë në copa jo shume të vogla. E leme të skuqet për disa minuta.
- Në një enë tjetër, hedhim përsëri vaj ulliri. Pasi vaji ullirit nxehet, shtojmë qepen e grire hollë. E kaurdisim dhe me pas shtojmë mëlçitë e prera në kubik. I lemë së bashku të marrin një skuqje në zjarr të ulët. Tek ena më pas hedhim kanellën, pak sheqer, kripe dhe piper, i trazojmë mirë.
- Gjithashtu shtojmë edhe fistikët e me pas rrushin e thatë por të regjur pak në ujë. Grijmë domaten edhe ja shtojmë përbërjes. Më pas shtojmë edhe salcën e domates. E trazojmë mirë të gjithë përbërjen. Ndërkohe bashkojmë edhe mishin që kemi skuqur më parë. E trazojmë mirë. Hedhim edhe ujin e ngrohte tek masa e përgatitur dhe e trazojmë.
- Masën e përgatitur e lemë për disa minuta të marri një valë. Më pas e hedhim me kujdes në tavën ku kemi hedhur orizin. E përhapim mishin në mënyrë të njëtrajtshme dhe tavën e futim në furrë të para-ngrohur në 220° për 30 minuta.
- Pasi të përfundoj pjekja e mishit dhe e pilafit , e shërbejmë sipas fantazisë.
- Nëse ju ka pëlqyer kjo recetë për pilaf turk në tavë, shtyp butonin pëlqe dhe shpërndaje atë me miqtë tuaj.
Ju bëftë mirë!
1 comment
E gatuan jugu I shqiperise.muslimanet..quhet ….kabuni…mish qingji pilaf stafidhe.