Receta byrek kungull mund të duket e mundimshme ne pamje te parë. Përgatitur më produkte te freskëta, kthehet në një pjatë unike shumë e shijshme dhe e shëndetshme. Ideale edhe për vegjetarianët.
Receta për Byrek Kungull
Sasia: 4 persona
Kalori: 134kcal
Përbërësit
Brumi për petët
- 300 gr miell
- 160 ml ujë
- 1 lugë gjëlle vaj ulliri
- pak kripë
Për mbushjen e byrekut
- 1 kg kungull
- 100 ml qumësht
- 2 kokrra vezë
- 4 lugë gjelle gjalpë të shkrirë
- 80 ml vaj ulliri për petët
- arrë moskat
- piper
- kripë
Përgatitja
Brumi për byrek
- Për byrek kungull jemi duke përdorur një tavë me diametër 40 cm. Në hapin e parë përgatitet brumi.
- Në një enë qelqi hedhim miellin, ujin, vajin, kripën, i përziejmë dhe e punojmë brumin për gati 7-8 minuta. Brumin e mbështjellim me një qeskë kuzhine dhe e lemë të pushojë për 30 minuta.
Përgatitim mbushjen e byrekut.
- Ndërkohë që brumi pushon përgatitim mbushjen e byrekut. Pastrojmë kungullin nga lëkura, nga farat dhe e grijmë në rende. Hedhim kungullin e grirë në një enë dhe më pas shtojmë vezët, gjalpin e shkrirë, kripë, piper, arrë moskat dhe i përziejmë të gjithë përbërësit. Më pas shtojmë dhe qumështin. Mbushja e byrekut është gati.
- Në hapin tjetër hollojmë petët me okllai. Petët duhet të janë të holla mjaftueshëm dhe të plota pa të çara.
- Hapi i fundit, shtrimi i byrekut: Spërkatim një tavë rrethore me vaj ulliri dhe shtojmë rreth katër petë në te. Petët duhet ti spërkatim me vaj ulliri.
- Hedhim mbushjen duke e hapur mirë në të gjithë sipërfaqen. Sipër vendosim petët e tjera dhe këto të spërkatura me vaj ulliri.
Pjekja e byrekut
- E presim byrekun me kungull dhe e vëmë për të pjekur në furrë të nxehur në 200° për 30 minuta.
- Me pas fikim furrën dhe e lemë të ftohet. Byrek kungull mund të shërbehet së bashku me gatimë të tjera ose edhe si pjatë unike.
- Ju ftojmë të lexoni edhe recetat për byrek me mish apo receten byrek me spinaq.
Ju bëftë mirë!
