Komposto pjeshke është një mënyre për të ruajtur këto fruta në mënyre sa me natyrale. Pjeshkat mund të përdoret për përgatitjen e ëmbëlsirave të ndryshme ose mund të konsumohen thjesht me shurup.
Receta Komposto Pjeshke
Sasia: 4 vazo
Kalori: 333kcal
Përbërësit
- 2 kg pjeshka
- 1 L ujë
- 400 gr sheqer
Përgatitja
- Në fillim pastrojmë e lajmë pjeshkët me ujë të rrjedhshëm. I kullojmë të mos kenë ujë dhe i qërojmë sa më hollë. Pjeshkat e qëruara i presim në thela dhe i hedhim ne vazo te sterilizuara. (Nëse pjeshkët janë biologjike, mund të preferojmë të lëmë edhe lëkuren)
- Ndërkohe përgatisim shurupin për komposto pjeshke. Në një ene bashkojmë ujin me sheqerin dhe e trazojmë derisa sheqeri të tretet. E vendosim në zjarr për rreth 5 minuta.
- Pasi është ftohur pak shurupi, mbushim vazot duke u siguruar qe pjeshkët të mbulohen të gjitha. I mbyllim vazot fortë me kapak.
- Në një tenxhere shtrojmë një rrobë pambuku, mbi të vendosim vazot me komposto pjeshke dhe e mbushim tenxheren me ujë.
- Tenxheren e vëmë në zjarr të ngadalshëm, të cilën do ta lemë 5 minuta pasi të ketë vluar uji.
- I nxjerrim vazot me kujdes dhe i kthejmë me kapak poshtë në tavolinë. I lemë sa të ftohen.
- Kompostua është gati për tu ruajtur në vend të freskët dhe të errët.
- Komposto me pjeshke është gati pasi ka kaluar një muaj.
Recetat për komposto kumbulle, komposto luleshtrydhe ose komposto dardhe.
