Edhe pse për sot zgjodhëm byrek me gjize, këta byrek trekëndësh mund të mbushen edhe me spinaq. Janë shumë praktik për tu marr me vete në punë ose në piknik.
Byrek trekëndësh me gjizë
Sasia: 4 persona
Kalori: 260kcal
Përbërësit
- 500 gram miell
- 200 ml ujë
- 100 gram gjalpë
- pak kripë
Për mbushjen
- 200 gram gjizë e freskët
Përgatitja
- Hedhim miellin në tavolinë e punës. E hapim në mes ku hedhim kripën dhe ujin e vakët. E trazojmë duke filluar nga mesi të cilin e punojmë për dhjetë minuta.
- Brumin për byrek trekëndësh mbështjellim me një qeskë kuzhine dhe e lemë të pushojë për 30 minuta.
- Mbas 30 minutave e hapim me pec në formë drejtkëndëshi dhe e lyejmë sipër me gjalpë duke e hapur në të gjithë sipërfaqen, (gjalpi duhet të jetë në temperaturën e dhomës).
- Petën e palosim role, duke mbuluar gjalpin dhe e mbulojmë përsëri duke e lënë për dhjetë minuta të pushojë.
- Më pas brumin e ndajmë me thikë në dhjetë pjesë. I hapim pjesët e brumit një e nga një pak me dorë dhe i lemë të pushojnë përsëri për dhjetë minuta.
- Më pas i hapim me pec në formë katrore. Hedhim në mes një lugë gjizë dhe e palosim në formë trekëndëshi.
- Byrekët me gjizë vendosen në një tavë të lyer me vaj. I lemë të pushojnë dhjetë minuta dhe i pjekim në furrë të nxehur në temperaturën 200 gradë, për 10 – 15 minuta.
- Byrek trekëndësh me gjize mund të shërbehen të sapo dalë nga furra.
Ju bëftë mirë nga Artigatimit!
Gjithashtu në faqen tonë mund të gjeni recetat për byrek me spinaq, byrek me mish ose byrek i mbushur në formë lule.
