Peshk në furrë me domate është nga ato gatimet e peshkut gjellë në furrë qe te paktën duhet konsumuar 1 here ne javë. Për përgatitjen e kësaj recete nevojitet një peshk i madh.
Peshk në furrë me domate
Sasia: 4 persona
Kalori: 230kcal
Përbërësit
- 4 feta peshk ose peshk i plotë
- 1 kg qepë
- 4 kokrra domate
- salcë domate
- hudhra
- dafinë
- piper
- kripë
- majdanoz
- vaj ulliri
Përgatitja
- Sigurohemi qe peshku është i freskët. Ai nuk duhet të mbajë era dhe veshëzat e peshkut duhet të jenë me ngjyrë të kuqe të fort, dhe jo te kuqe ne vishnje sepse mund te jetë tepër problem për shëndetin.
- Pastrojmë dhe lajmë peshkun. E marinojmë me erëza për gati 1 orë dhe e vendosim në një tavë të lyer me vaj ulliri.
- Ndërkohë pastrojmë qepët i grijmë hollë dhe i kaurdisim në një tigan me vaj ulliri. Domateve i heqim cipën, dhe i grijmë në kubik.
- I hedhim edhe këto në tigan me qepët, duke i kaurdisur së bashku me 1 lugë domate salcë. Hedhim gjithashtu hudhrat e grira, piperin, kripën, dafinën, majdanozin dhe pak ujë të nxehtë.
- Masën e hedhim në tavën me peshk. Tava futet në furrë për gati 20 minuta. Të kemi parasysh që tava të dali me pak lëng.
- Tava peshk në furrë me domate është gati. Vendoseni në mes të tavolinës dhe shërbeheni më sallatë të stinës.
Ju bëftë mirë!
Nëse ju ka pëlqyer kjo recete, shpërndajeni atë në Facebook dhe Instagram për miqtë tuaj! Dhe mos harroni të abonoheni në njoftimet e faqes për të marrë çdo ditë receta gatimi në email.
Lexo gjithashtu recetën për peshk me patate.
