Supe makarona është shumë e pëlqyeshme sidomos kur makaronat janë të bëra në shtëpi. Receta që do të japim ne është një recetë gatimi e veçantë dhe me shumë vlera ushqimore.
Supe makarona të bëra në shtëpi
Sasia: 4 persona
Kalori: 210kcal
Përbërësit
- 1 pulë fshati
- 1 kokërr qepë
- vaj ulliri ekstra i virgjër
- 1 karotë
- 1 degë selino
- 2 gjethe dafine
- pak majdanoz
- pak kripë
- pak piper
Përbërësit për makaronat e freskëta
- 250 gram miell
- 2 kokrra vezë
- 1 lugë gjelle vaj ulliri
- pak qumësht
Përgatitja
- Në fillim pastrojmë dhe lajmë pulën dhe perimet. Presim mishin e pulës dhe perimet në kube të vegjël.
- I hedhim të gjitha produktet në një enë me ujë të bollshëm dhe i vëmë në zjarr.
- Ndërkohë mund të merremi me përgatitjen e makaronave. Lexo recetën e plotë të makaronave të freskëta. Nuk është nevoja që makaronat e dorës të thahen. Mund ti përdorim direkt. Pjesën e tepërt mund ta ruajmë në frigorifer.
- Pasi e shikojmë që ka zierë mishi dhe perimet, i nxjerrim nga lëngu dhe në enën do të hedhim makaronat e dorës që përgatitëm dhe dy lugë vaj ulliri. Makaronat do te ziejnë jo me shume se kater minuta.
- Më pas ndajmë mishin nga kockat dhe e hedhim në tenxheren e makaronave.
- E rregullojmë me kripë, hedhim edhe majdanozin e grirë dhe heqim gjetet e dafinës.
- Supe makarona është gati dhe shërbehet e ngrohtë dhe mund të shoqërohet me bukë të thekur. Sipas dëshirës mund të shtoni dhe pak piper sipër.
Ju bëftë mirë nga Arti Gatimit!
