Peshk skuqur në tigan merr një formë kërce të veçante. Peshku ka qenë i pranishëm në jetën e njeriut gjatë gjithë historisë së shoqërisë njerëzore. Është ushqim me shumë vlera, sa dhe dietologët e kanë cilësuar si ushqimin më të pazëvendësueshëm.
Peshk skuqur kërce në tigan
Sasia: 4 persona
Kalori: 300kcal
Përbërësit
- 1 kg peshk sardele ose barbunj
- 200 mL vaj ulliri
- 3 lugë gjelle miell
- 100 mL qumësht
- pak kripë
- 1 kokërr limon
Përgatitja
- Në fillim pastrojmë peshqit, i heqim luspat dhe të brëndëshmet. I lajmë mirë dhe i lemë të kullojnë.
- Hedhim miellin në një pjatë. Në një tigan të nxehur hedhim vajin. Vajin duhet ta nxehim deri në 180°C. Kjo për peshqit me madhësi mesatare.
- Peshqit një nga një i lyejmë pak me qushësht, dhe ne pas i kalojmë në masën e miellit. I lyejmë nga të dyja anët dhe heqim miellin e tepërt. Mjafton ti shkundim pak. Peshqit i hedhim në tiganin e nxehtë për skuqje. Pasi janë skuqur nga njëra anë i kthejmë në anën tjetër. Kështu peshku merr një skuqje uniforme.
- Pasi i heqim nga tigani, peshqit i vëmë në pjatancë me letër kuzhine që të thithi vajin e tepërt. Duhet të bëjmë kujdes që kripën ta hedhim ne fund të skuqjes dhe pasi është ftohur peshku. Përndryshe karakteristika e kërces do të zhduket.
- Peshqit shoqërohen me garnitura sallate ose patate sipas dëshirës. Dhe sigurisht një gotë verë të bardhë. Peshk skuqur mund të gatuhet në çdo stinë.
