Pite të mbushura është një mënyrë tjetër e të përgatiturit të pite ne tigan. Sot kemi paraqitur recetën e përgatitjeve të pite të mbushura dhe që piqen në furrë. Amvisat tona, pitet i bëjnë në tigan dhe kjo është një recetë për tu provuar.
Pite të mbushura të pjekura në furrë shumë të shijshme.
Pite të mbushura
Sasia: 4 persona
Kalori: 230kcal
Përbërësit
- 500 gr miell
- 200 ml kos
- 3 kokrra vezë
- 100 gr gjalpë
- 300 gr djathë
- 1 lugë gjelle sheqer
- 1 lugë e vogël maja
- pak piper
Përgatitja
- Përgatitim brumin si pitet e zakonshme. Në një tas hedhim kosin, 1 vezë, gjalpin e tretur, 1 lugë sheqer. Kosi dhe vezët duhet të jenë në temperaturë ambienti.
- I përziejmë së bashku duke hedhur miellin dhe pak kripë. Punohet brumi dhe lihet për një orë i mbuluar në një vend të ngrohtë.
- Pasi brumi është dyfishuar, e ndajmë në toptha të vegjël. I hapim me radhë me diametër rreth 30 cm.
- Në një enë hedhim djathin, 2 vezë, pak piper dhe i përziejmë. Rrahim një të verdhë veze duke i hedhur një lugë ujë. Kjo do të na shërbej të lyejmë pitet e mbushura anash për palosje.
- Me anë të një luge hedhim në mes të pites një lugë nga mbushja. (pitet mund te mbushen sipas dëshirës, me salçiçe ose me patate të prera përsëgjati)
- Me furçë lyejmë me të verdhën e vezës pjesën bosh të pites. Kjo na ndihmon për ngjitjen e pites.
- Pasi kemi kryer këto veprime, palosim pitet në formë gjysmëhëne. Anash i shtypim me piru që të mos dali mbushja. I vendosim me radhë në tavë të lyer me gjalpë duke i lyer edhe sipër me të verdhën e vezës.
- I lemë për 30 minuta në furrë që të dyfishohet brumi. Më pas i nxjerrim, ndezim furrën në temperaturën 200 gradë C. Pasi të jetë nxehur furra i pjekim për 30 minuta.
- Pite te mbushura shërbehen të ngrohta.
Ju bëftë mirë nga Artigatimit.com!
Mirëpresim komentet dhe fotografitë tuaja të recetës në hapësirën më poshtë!
3 comments
Super
Bravo
Ju befte mire!