Ka mjaft mënyra për të konservuar frutat e bollshme të verës. Sot kemi zgjedhur si të përgatisim lëng dardhe. Mund të shërbejmë të freskët ose mund të hedhim në enë për një konservim më të gjate. Ky lëng frutash është shumë i thjeshtë për tu përgatitur.
Lëng Dardhe – Receta me Video
Sasia: 4 shije
Kalori: 80kcal
Video
Përbërësit
- 1 kg dardha
- 1 L uje
- 250 gr sheqer
- lëngu i gjysme limoni
Përgatitja
- Si fillim lajmë dhe qërojmë dardhat. Më pas i presim në copa të vogla. Vendosim ujin në zjarr dhe shtojmë sheqerin. E trazojmë në mënyrë që të kemi një lloj shurupi. Jo më shumë se 2-3 minuta në zjarr.
- Ne hapin tjetër hedhim dardhat. I trazojmë dhe i mbulojmë të ziejnë për 5 apo 10 minuta. Kjo varet nga sa janë të pjekur dardhat.
- Ne fund shtojmë lëngun e limonit dhe e trazojmë. Më pas zhysim grirësin elektrik derisa dardhat të kthehen në lëng. Mund të jetë e nevojshme heqim shkumën e formuar sipër lëngut të dardhave.
- Lëngu i dardhave është gati. E lëmë të ftohet dhe e shërbejmë të freskët ose mund ta hedhim direkt në enë të vogla për konservim.
Receta per leng kajsi.
Mos harroni ta shpërndani këtë receta në rrjetet sociale si Facebook apo Instagram.
