Recete gatimi tradicionale si të gatuajmë Ajvar. Kjo salcë me speca të kuq është vërtet unik për të shoqëruar çdo pjatë meze.
Kjo recetë është dërguar nga zonja Imer, nga Kërçova, Maqedoni. Recete gatimi ideale për te shoqëruar pjatat e antipastave në aperitiv.
Ajvar – Recete Gatimi Tradicionale
Sasia: 2 vazo
Përbërësit
- 15 kg speca të kuq
- 700 ml vaj ulliri
- 30 gr sheqer
Përgatitja
- Speckat pasi ti kemi larë dhe fshirë me një rrobë, i pjekim mbi një skarë ose dhe mbi pllakën e sobës. I lemë të ftohen për pak kohë dhe i pastrojmë nga lëkura dhe nga farat.
- Më pas i lemë në një enë të kullojnë për gati një orë. Pasi kanë pushuar, i grijmë dhe i hedhim në një enë të madhe ku më parë kemi hedhur gjysmën e masës së vajit.
- Pasi i kemi hedhur në enë, i vendosim në zjarre. Zjarri duhet të jetë gjithmonë i ngadalshëm në mënyrë që nxehtësia të jetë në minimum sepse zjarri i shpejt krijon djegie në fund të enës. Ideale për të përgatitur ajvar është soba me dru.
- E përziejmë dalëngadalë ajvar-in dhe mbas 30 minutash shtojmë edhe masën tjetër të vajit së bashku me sheqerin.
- Vazhdojmë ta përziejmë ngadalë derisa masa të trashet.
- Ajvari është gati. E hedhim nëpër vazo masën e përgatitur, i mbyllim fort vazot dhe i vendosim në një enë me ujë dhe i ziejmë me qëllim që të ruhet masa për një kohë të gjatë.
Ju bëftë mirë!
Për receta gatimi të tjera, abonohuni në njoftimet me e-mail dhe na ndiqni në rrjetet sociale si Facebook dhe Instagram.
