Pizza me wurstel dhe mocarela është një kombinim fantastik. Kjo recete gatimi është ideale për ditët kur jemi pushim. Me pak përbërës cilësor, kjo picë merr një shije të përkryer.
Si te gatuajme pizza me wurstel dhe mocarela në mënyrë të thjeshtë.
Pizza me Wurstel
Sasia: 4 persona
Përbërësit
- 500 gr brumë për pica
- 350 gr mocarela e freskët
- 250 gr wurstel
- 150 gr salce domate
- 5 gr rigon
- 10 ml vaj ulliri
- 10 gr kripë
Përgatitja
- Ndezim furin në maksimumin e temperaturës 200-230°C.
- Në një tavë ose gurë pjekje hapim brumin e picës në formë të rrumbullakët. Në një enë hedhim salcën e domates, pak rigon, kripë, vaj ulliri dhe i trazojmë mirë së bashku.
- Hedhim dy tre lugë gjellë sipër picës duke e hapur në të gjithë sipërfaqen në mënyrë të njëtrajtshme.
- Presim mocarelën në copa të vogla dhe shtojmë disa sipër. Presim dhe wurstel në rrathë të vegjël dhe i vendosim sipër picës.
- E vendosim picën në furë për pjekje për rreth 20 minuta. Pasi është pjekur pizza me wurstel mund të shërbehet e nxehtë.
Ju bëftë mirë!
