Musaka është një pjatë tipike e kuzhinës greke. Ka shumë variante të musakasë si me patëllxhanë, kunguj, patate apo perime të tjera. Ne këtu e kemi sjellë në variantin me patate. Kjo është një recetë e shijshme dhe që mund ta shërbejmë si pjatë kryesore.
Musaka me patate
Sasia: 6 persona
Kalori: 240kcal
Përbërësit
- 500 gr patate
- 250 gr qepe
- 100 gr domate ose dy lug gjelle salce
- 50 ml vaj ulliri
- 3 gjethe dafine
- pak kripë
- pak piper
Për salcën
- 50 gr miell
- 50 gr gjalpë
- 100 ml qumësht
- 1 kokërr vezë
- pak piper
- pak djathë parmixhan
Përgatitja
- Fillojmë me përgatitjen e musaka me patate. Patatet pasi i kemi qëruar, i presim në feta të rrumbullakëta dhe i skuqim pak në tigan me vaj ulliri. Derisa të krijohet një korë në sipërfaqe. I lëmë mënjanë.
- Dhe qepët mund ti presim të rrumbullakëta të holla dhe i skuqim në zjarr të ulët me vaj ulliri. Pasi të kenë marrë pak skuqje, hedhim domatet e grira në kube (ose salcën) dhe pak ujë. I lëmë të marrin një valë dhe më pas shtojmë erëza dhe kripë.
- Marrim një tavë dhe shtojmë një shtresë patate duke vazhduar më sipër një shtresë me qepë. Vazhdojmë kështu derisa kemi mbaruar patatet dhe qepën.
Përgatitja e Salcës për Musaka
- Hedhim miellin dhe gjalpin e shkrirë në një tigan dhe i skuqim së bashku. I shuajmë me qumësht të ftohtë. Hedhim pak piper! Rrahim vezën në një ene dhe e hedhim sipër duke u siguruar që salca është e ftohtë.
- Hedhim salcën e përgatitur sipër tavës me patate dhe qepë. Sipas dëshirës grijmë dhe pak djathë parmixhan dhe e fusim në furrë 200°C për 30 minuta.
- Pasi është pjekur, e lemë të ftohet pak dhe shërbejmë musakan me patate në pjata duke bërë kujdes mos ti prishim shtresat.
Lexoni edhe recetën për Musaka me laker
Ju bëftë mirë!
3 comments
Musaka? Duket me shume si Ugraten. Shume rralle mund te shohesh nje Musaka pa mish te grire. Pak me shume Besamel mendoj se eshte me mire.
Siç e kemi thënë, ka disa lloje te musakasë!
eshte e shijshme po mendoj se patatet me mire te ishin te ziera
<3 <3 <3