Asparag të mbështjellë me petë sfoliat janë një antipastë e shijshme shumë e veçantë. Farat e lulëkuqes sipër i japin përveçse një pamje të këndshme, por edhe një shije ndryshe. Kjo antipastë është shumë e thjeshtë në përgatitje, por që do të ketë sukses te miqtë tuaj.
Asparag të mbështjellë me petë sfoliat
Sasia: 0
Përbërësit
- 2 <a href="http://www.artigatimit.com/2012/04/pete-e-vecante-me-gjalpe/" title="Petë e veçantë me gjalpë Pasta Sfoglia">petë sfoliat(kliko për recetën)
- 1 kg asparag shparg
- pak kripë
- pak fara lulëkuqe
- 1 të verdhë veze
Përgatitja
- Si fillim marrim asparagët dhe i pastrojmë. Presim pjesën e poshtme të bishtit dhe lemë atë të butën, ( ato që hoqëm mund ti përdorim për të bërë një brodo).
- Në një tenxhere me avull vendosim me kujdes asparagët e pastruar dhe të shpëlarë dhe i hedhim sipër pak kripë. I lemë të ziejnë disa minuta sa të zbuten pak.
- Më pas i lemë të ftohen pak.
- Presim petën sfoliat në rripa të hollë. Marrim asparagët një e nga një dhe i veshim me sfolian. I vendosim asparagët kështu në një tavë me letër furri poshtë.
- Vazhdojmë në këtë mënyrë derisa të mbarojmë gjithë asparagët.
- Pasi i kemi vënë në tavë me kujdes i lyejmë me anë të një furçe me të verdhën e vezës të rrahur.
- Sipër u hedhim farat e lulëkuqes.
- Vendosim tavën në furrë të piqet në furrë të nxehtë 200°C për disa minuta, derisa të shohim që sfolia sipër është skuqur.
- Heqim tavën nga furri dhe e lemë të ftohet pak. Hedhim asparagët e përgatitur në një pjatë dhe is shërbejmë.
