Tortë e thjeshtë me mollë është receta e dërguar nga Brikena H. Kjo është një tortë fare e thjeshtë dhe e shpejtë për tu përgatitur.
Tortë e thjeshtë me mollë
Sasia: 4 persona
Përbërësit
- 3 kokrra mollë
- 3 kokrra vezë
- 150 gr miell
- 50 gr gjalpë
- 50 gr sheqer
- 1 pako peciv maja për ëmbëlsira
- 1 kokërr limon
Përgatitja
- Në një enë qelqi hedhim vezët dhe i rrahim me pirun. Shtojmë sheqerin dhe më pas shtrydhim limonin por më parë duhet ti kemi marrë lëkurën.
- I trazojmë përsëri dhe shtojmë miellin qe kemi përzier me pecivin. Në fund shkrijmë gjalpin dhe e shtojmë përbërjes.
- Masën e hedhim në një tave të rrumbullakët ku e kemi lyer pak me gjalpë dhe miell.
- Qërojmë dhe pastrojmë mollët. I presim në feta jo shumë të holla dhe i vendosim me kujdes sipër përbërjes në tave. E fusim në furrë për 30 minuta në temperaturën 180°C. Pasi të piqet, presim sa të ftohet dhe e shërbejmë.
Ju bëftë mirë dhe mos harroni të votoni për këtë recetë duke klikuar mbi butoni “Like”
