Sallatë verore me Oriz është nje recetë e dërguar nga Learsa E. Veçantia e kësaj pjate është se çdo njeri mund ti hedh çfarëdo lloji përbërësish që mund ti ndodhet ose që ato mund të keni më të preferuar.
Sallatë verore me Oriz
Sasia: 4 persona
Përbërësit
- 240 gr oriz
- 240 gr peshk ton
- 50 gr rukola
- 300 gr domate të vogla
- 3 kokrra vezë
- 200 gr karota
- pak kripë
- pak piper
- pak vaj ulliri
Përgatitja
- Orizin sipas dëshirës mund ta skuqim ose me gjalpë ose me vaj ulliri në mënyrë që të ndahet kokrra nga kokrra. I hedhim ujë dyfishin e orizit dhe e lejmë në zjarr të ulët derisa uji të jetë shteruar.
- E heqim nga zjarri dhe e e vendosim të kullojë në një enë.
- Ziejmë vezët për 10 minuta. Në një pjatë presim domatet e vogla në 2 pjesë dhe hedhim karotat të prera në fije të holla. Shtojmë peshkun ton dhe rukolën. Më pas hedhim vezët të copëtuara, shtojmë pak kripë, piper dhe vaj ulliri.
- I shtojmë në fund orizin e ftohur dhe i përziejmë bashkë. E vendosim sallatën e orizit në frigorifer deri në momentin e servirjes.
