Si të gatuajme Omlet me spinaq. Receta e dërguar nga Rina K. Kjo është një pjatë mëngjesi, e zgjodha për arsye se është shumë e lehtë për tu përgatitur e po ashtu edhe shumë e shëndetshme.
Omlet me spinaq
Sasia: 4 persona
Kalori: 230kcal
Përbërësit
- 200 gr spinaq
- 1 qepe e mesme
- 1 hudhër
- 9 kokrra vezë
- 1/2 filxhan qumësht
- 100 gr djathë parmigiano
- 2 domate
- 3 copa djathë dhie ose ndonjë lloje tjetër
- 1 lugë vaj ulliri
- pak kripe
- pak piper të zi
Përgatitja
- Ngrohim paraprakisht furrën në 200 °C. Hedhim spinaqin ne një tigan me ujë dhe e mbulojmë me kapak dhe e vëmë në zjarr për pak minuta. Pasi të zihet e kullojmë dhe e lëmë mënjanë.
- Në një enë përziejmë së bashku vezët e rrahura, qumështin dhe djathin parmigiano. Shtojmë domatet e copëtuara, hedhim kripë dhe piper të zi.
- Fërgojmë qepën me vaj ulliri në një tigan për 4-5 minuta. Shtojmë hudhrën dhe spinaqin e zier më parë. Spinaqin e bashkojmë me masën me vezë e qumësht dhe i përziejmë të gjitha së bashku.
- Masën e përgatitur e hedhim në një tavë. Hedhim djathin e dhisë mbi omlet dhe e fusim tavën në furrë. Piqet për 13-15 minuta, derisa omleti të fryhet dhe të fitojë një ngjyrë të artë.
- E nxjerrim nga furra, e lëmë të ftohet për pak minuta dhe shërbejmë omlet me spinaq.
Ju bëftë mirë dhe mos harroni të votoni për këtë recetë duke klikuar mbi butoni “Like”
2 comments
te me fali kjo zonja,po ku shkon kjo omleta me 9 Veze per mengjes?!
Po nuk është për një person te vetëm.