Fileto peshku tigani.Receta e dërguar nga Armand V.
Fileto peshku tigani
Sasia: 4 persona
Përbërësit
- 600 gr fileto peshku
- 30 gr kaperi
- 2 thelpi hudhër
- 1 qepë
- 1 spec i kuq
- 1 spec jeshil
- 30 gr qepujka të vogla
- 30 gr ullinj të zi
- 200 gr domate të vogla
- 1 tufë majdanoz
- 1 filxhan çaji verë e bardhë
- pak miell
Përgatitja
- Grijmë qepën të imët. Copëtojmë hudhrat dhe i hedhim në tigan me pak vaj ulliri. Shtojmë specat e grirë hollë bashkë me qepën e njomë dhe qepujkat.
- Lyejmë filetat e peshkut me miell dhe i kavërdisim me përbërësit e tjerë ( kaperi + ullinj). Shtojmë verën e bardhë, kripë, piper dhe i lëmë të ziejnë për 10-15 minuta.
- Kur të jetë drejt fundit të zierjes i shtojmë domatet të prera në kube dhe majdanoz. E hedhim në pjatë bashkë me masën që kemi në tigan. Përbri pjatës vendosim 3-4 feta buke të thekura. Shoqërohet me verë të bardhë.
