Cheesecake me Karamel

Grijmë biskotat në mikser derisa të kemi një pluhur me kokrriza të vogla. Shkrijmë 100 gr gjalpë dhe në një enë qelqi i bashkojmë me biskotat.

I trazojmë mirë së bashku. Marrim një tavë mundësisht të rrumbullakët dhe hedhim përbërjen.

E shtrojmë në mënyrë uniforme në fundin e saj. Me anë të ndonjë shtypëse e ngjeshim mirë. E vëmë në ngrirje dhe ndërkohë përgatisim kremin, por nuk duhet të kaloj më shumë se 15 minuta.

Rrahim vezët me sheqer derisa ky i fundit të tretet komplet. Për të shpejtuar punën mund të përdorim rrahës elektrik. Më pas shtojmë panën dhe e rrahim sa të përzihet mirë e gjithë përbërja. Shtojmë dhe djathin dhe e rrahim mirë. Grijmë koren e limonit brenda masës krijuar dhe gjithashtu shtrydhim dhe gjysmën e tij.

Nxjerrim bazën që kemi në ngrirje dhe sipër i hedhim kremin që përgatitëm.

E fusim në furrë për 30 minuta në temperaturën 180°C dhe më pas dhe 30 minuta të tjera më 150°C, ose derisa shpërfaqa të marri ngjyrë në portokalli.

Ndërkohë që kemi vënë cheesecake në furë të piqet, përgatisim dhe karamelin që do hedhim sipër.

Në një enë hedhim gjalpin, qumështin dhe sheqerin dhe i vejmë në zjarr të ulët. I trazojmë vazhdimisht. Pasi të fillojnë flluskuat e para duhet të nisim kohën dhe ta lëmë akoma në zjarr për 15 minuta.

Më pas gjithmonë pa e hequr nga zjarri ulët dhe pa ndaluar së trazuari hedhim qumështin e kondesuar. E mbajmë në zjarr derisa të kemi një masë një ngjyrë karameli por jo të trashet shumë.

Pasi të kemi nxjerrë cheesecake nga furri dhe te jemi të kënaqur me pjekjen, nuk na ngelet gjë tjetër veçse të hedhim sipër karamelin e përgatitur më parë. Tortën Cheesecake e lëmë në frigorifer për rreth një orë përpara se ta shërbejmë.