Receta per barbunja greke sallatë. Barbunjat greke janë një lloj bishtaje e holle dhe e gjatë që mund të përdoret për gjellë por edhe për sallatë kur është e freskët dhe e vogël pa u mbushur me kokrra brenda. Receta e dërguar nga Rovi R. dhe e vlefshme për Konkursin e Gatimit.
Barbunja greke sallatë
Sasia: 4 persona
Përbërësit
- 1 kg barbunja të njoma
- 5-6 thelpinj hudhre
- 5 ml vaj ulliri
- pak uthull
- pak kripë
Përgatitja
- Pasi i kemi larë u presim anët dhe nëse janë shumë të gjata i presim në mes. I hedhim në një tenxhere me ujë dhe 1 lugë kripë që të ziejnë duke i provuar me një pirun nëse këputen.
- Nëse piruni i këput janë gati nëse jo duan dhe pak akoma. Mos i zieni shumë që të mos qullosen.
- Pasi i ziejmë i shpëlajmë me ujë të ftohtë. I lëmë të kullojnë, i hedhim në një enë ku u shtojmë hudhrat e shtypura, uthull dhe vaj ulliri sipas dëshirës.
- I fusim në frigorifer që të ftohen. Kjo lloj sallate serviret e ftohtë dhe ka një shije të mrekullueshme.
