Lazanja është një pjatë tipike e Italisë e në mënyrë të veçantë e zonës së Bolonjës. Kjo pjatë është e njohur tashmë jo vetëm në këtë zonë, por në mbarë botën. Lazanjë është një pjatë e parë, e pasur dhe e shumë e shijshme.
Receta per Lazanjë
Sasia: 6 persona
Kalori: 320kcal
Video
Përbërësit
- 500 gr petë lazanje
- 250 gr djathë parmixhan i grirë
- 50 gr gjalpë
- 1 kg beshamel Kliko këtu për recetën e beshameles
- 1 kg kima Kliko këtu për recetën dhe përgatitjen
Përgatitja
- Si fillim përgatisim salcën kima (ragunë), e cila do me shumë kohë për tu zier. Shiko këtu përbërësit, recetën dhe përgatitjen e salcës kima.
- Pasi kemi përgatitur salcën, përgatisim beshamelën, e cila duhet të jetë pak më e lëngshme si zakonisht. Shiko këtu përbërësit, recetën dhe përgatitjen e beshamelës
- Pasi kemi përgatitur salcën kima dhe beshamelën, fillojmë të përgatisim lazanjën.
- Në një tavë drejtkëndëshe, të cilën e lyejmë komplet me gjalpë hedhim dy lugë ragu dhe dy lugë beshamelë, e trazojmë së bashku. Më pas shtojmë petën e lazanjës. Sipër i hedhim pak beshamelë, e mbulojmë komplet me salcë kima dhe i hedhim edhe djathë parmixhan mbi të.
- Vazhdojmë me një shtresë tjetër pete, me beshamelë, ragu, djathë parmixhan e kështu derisa të mbarojmë të gjithë përbërësit. Bëjmë disa shtresa në varësi të tavës që kemi.
- Në një enë bashkojmë pak ragu me beshamelë dhe këtë përbërje ia hedhim sipër lazanjës. Përfundojmë me një shtresë djathi të grirë dhe ca copëza gjalpi.
- Vendosim tavën të piqet në furrë të nxehtë 160°C përreth 50-60 minuta, derisa sipër të jetë formuar një kore e bukur në ngjyrë floriri. Heqim lazanjën nga furi dhe e lemë të ftohet përreth 15 minuta.
- Lasanja është gati. Presim pak të ftohet dhe e shërbejmë në pjesë. Sipas dëshirës sipër mund të shtojmë djathë të grirë.
Receta të tjera që mund t’ju pëlqejnë byrek me mish, burani me spinaq apo edhe receta per makarona me fistik.
Ju bëftë mirë nga ArtiGatimit.com!
7 comments
Femijet e mi e preferojne me salce(passata di pomodoro) e mozzarella,pa besciamella dhe me lasagnat e freska te bera nga une
FLM PER RECETAT E MREKULLUESHME
nje pyetje kam petat i zjeni apo i vini sic jane
Pershendetje Edlira,
Per te pergatitur lazanja, nese petat jane te fresketa i vendos direkt pa qene nevoja ti zieni. Por edhe nese jane te thate mund ti vendosni direkt, por duhet ti lini disa ore ne tave perpara se ta pjekni lasanjen.
ME pilqen kuzhina e juaj sidomos lazanja ,krepi,amerikan e tjera
Na vjen mire, vazhdoni te na ndiqni!