Akullore shtëpie me çokollatë

Nerti
  • 22/10/2019
Në këto ditë të nxehta ku ka më mirë se një kupë me akullore. Për më tepër na shijon nëse e kemi gatuar vetë. Të bësh vetë akulloren në shtëpi pa patur makinë akulloreje nuk është shumë e vështirë.

Akullore shtëpie me çokollatë

Sasia: 0

Përbërësit

  • 500 ml qumësht
  • 150 gr sheqer
  • 2 lugë gjelle sheqer pluhur
  • 50 gr çokollatë të zezë
  • 50 gr çokokrem Nutella
  • 20 gr kakao pluhur
  • 3 vezë
  • pak aromë vanilje

Përgatitja

  • Si fillim duhet të gjejmë një enë inoksi për përgatitjen e akullores në mënyrë që të futet edhe në ngrirje në frigorifer.
  • Marrim vezët dhe ndajmë të verdhat nga të bardhat. Këto të fundit i hedhim në një enë me 2 lugë sheqer pluhur.
  • Të verdhat e vezëve i hedhim në një tenxhere ku shtojmë dhe sheqerin e kakaon pluhur. I trazojmë mirë dhe shtojmë ngadalë qumështin duke e trazuar në mënyrë që të mos krijohen kokrriza. Shtojmë edhe aromën e vaniljes. Trazojmë mirë gjithë përbërësit.
  • Vendosim tenxheren në zjarr dhe e lemë derisa të fillojë të marrë valë. Fikim zjarrin dhe lemë masën e përgatitur të qetësohet.
  • Ndërkohë shkrijmë në banjomaria çokollatën. Kur kjo të jetë shkrirë, shtojmë çokokremin (Nutella). I bashkojmë mirë dhe i hedhim në tenxheren ku kemi përgatitur më parë masën me kakao. I trazojmë mirë së bashku.
  • Të bardhat e vezëve të cilat i bashkuam me sheqerin pluhur fillojmë ti rrahim duke futur enën në fillim banjomaria përreth 1 minutë e më pas i rrahim normalisht.
  • Pasi i kemi rrahur, bashkojmë këto në tenxheren me masën e përgatitur më parë. I trazojmë mirë me ngadalë.
  • Masën e përgatitur e hedhim në enën e inoksit të ftohtë, të cilën e kemi futur paraprakisht në frigorifer.
  • Akullorja duhet të rrijë të paktën për 5 orë në ngrirje. Duhet të kujtohemi që çdo 45 minuta duhet të trazojmë akulloren në mënyrë që të thyejmë kristalet e akullit që krijohen në sipërfaqe.
  • Pasi ka kaluar kjo kohë, do të shohim që akullorja është gati për tu servirur. Hedhim akulloren nëpër kupa dhe e shërbejmë.

Notes

Duhet të themi që procesi është pak i gjatë sepse pasi e kemi vënë në ngrirje, duhet ta trazojmë akulloren çdo 45 minuta. Prandaj duhet të kemi shumë durim në përgatitjen e akullores. Pasi kanë kaluar 5-6 orë do të shohim që akullorja është gati dhe kur do ta shijojmë do ta kuptojmë që mundimi që kemi bërë në përgatitje ia vlen. Alternative, Akullore me Vanilje.
receta-akullore-shtepie-bere-vete-ice-cream-c

Përgatitja

Ju bëftë mirë!

In this article:
,,,,,
5 Shares
WhatsApp 0
Facebook 0
Facebook Messenger 0
Twitter 0
Pinterest 5
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
4 comments
  1. Pingback: Sallatë frutash - ArtiGatimit.com
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Receta per Tiramisu

Tiramisuja është ëmbëlsira italiane më e njohur në gjithë botën. Thuhet se kjo ëmbëlsirë e ka origjinën në Siena (Toskanë). Rreth shekullit të XVII disa pastiçierë vendosën të përgatisnin një ëmbëlsirë në nderim të Dukës së Toskanës Cosimo de Medici. Ata menduan të bënin një ëmbëlsirë me përbërës të thjeshtë, por jashtëzakonisht e shijshme. Ka shumë legjenda për origjinën e tiramisusë, por ajo që ka rëndësi është fakti që kjo lloj ëmbëlsire është dhe do të mbetet një nga ëmbëlsirat më të mira italiane.
10 Shares
0
0
10

Reçel mollë dhe dardhë

Reçeli i mollës me dardhe është një shoqërim ideal i pjatancave me djathëra të ndryshëm. Kombinimi me xhinxher sjell një shije origjinale dhe ndjenje freskie. Frutat është mirë të jene të stinës që të kenë më shumë lëng.
1 Shares
0
0
1

Torta me çokollatë e gjalpë kikiriku

Kjo tortë është me të vërtetë një nga ëmbëlsirat më të mira e më të forta. Duket e vështirë, por është një recetë e thjeshtë që nuk ka nevojë as të piqet në furrë. është një lloj cheescake e në bazë të kësaj torte është gjalpi i kikirikut që përdoret shumë në Amerikë.
1 Shares
0
0
1

Krepa Integral – Pallaqinka

Në këtë video recete gatimi mund të ndiqni përgatitjen e Krepa Integral. Një recetë me origjinë franceze por shumë e njohur në kuzhinën shqiptare. Krepat, këto flet të holla brumi, mund të konsumohen të ëmbla mjaltë, kanellë apo krem bajame apo dhe te kripura lloje proshute,djathë dhe perime.
0 Shares
0
0
0