Lakror misri (pispili) me lakra të egra

Nerti
  • 22/10/2019
Lakror me miell misri e lakra të egra është një pjatë e shijshme dhe e shëndetshme. Në vend të lakrave mund të vendosim edhe spinaq ose hithra. Një copë lakrori e shoqëruar me një gotë kos të bardhë është një darkë e lehtë dhe e shijshme.

Lakror misri (pispili) me lakra të egra

Sasia: 0

Përbërësit

  • 1 e 1/2 kg lakra të egra
  • 1 gotë miell misri
  • 1/2 gote qumësht
  • 2-3 lugë gjelle me gjiz ose 100 gr djathë i bardhë
  • 20 gr gjalpë
  • 2 lugë gjelle vaj ulliri
  • pak kripë
  • pak piper
  • 5-6 gjethe mëndërrz nenexhik
  • 2-3 qepë të njoma

Përgatitja

  • Lajmë lakrat mirë në ujë të bollshëm. Lajmë edhe qepët e njoma. Më pas i kullojmë.
  • Në një tenxhere të madhe, hedhim vaj ulliri. Grijmë hollë qepët e njoma dhe i kavërdisim pak. Më pas shtojmë lakrat e egra. Hedhim pak kripë dhe një filxhan ujë. Mbulojmë tenxheren me kapak dhe lemë që të ziejnë me zjarr të ngadaltë derisa lakrat të jenë zbutur.
  • Heqim tenxheren nga zjarri dhe hedhim lakrat në një enë dhe i lemë të ftohen pak. Shtojmë gjizën ose djathin e copëtuar, gjethet e nenexhikut dhe pak piper. I trazojmë mirë bashkë.
  • Në një enë tjetër hedhim miellin e misrit dhe qumështin. I trazojmë mirë.
  • Lyejmë me pak gjalpë një tavë dhe hedhim në të më shumë se gjysmën e miellit të përgatitur me qumësht. E rregullojmë mirë me lugë në mënyrë që të mbulojë gjithë sipërfaqen e tavës. Shtojmë sipër edhe përgatitjen me lakra. I sheshojmë edhe këto të fundit. Sipër hedhim miellin që ka mbetur dhe pak gjalpë.
  • Vendosim tavën të piqet në furrë të nxehtë 200°C përreth 30 minuta ose derisa të shohim që sipër është pjekur.
  • Më pas e lemë të ftohet dhe e presim në copa.
  • Servirim lakrorin me kos të freskët.

Notes

Përgatitja lakror misri

Ju bëftë mirë!

lakror-miell-misri-receta-gatimi-si-te-gatuajme-gjell-shqip-2

In this article:
,,,,,,
1 Shares
WhatsApp 0
Facebook 0
Facebook Messenger 0
Twitter 0
Pinterest 1
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
3 comments

  1. Duhet te jeni pak me te sakte te masat ,sepse nje gote uji mund te jete e vogel ose e madhe .E kuptoj qe ju I merrni te gatshe recetat dhe nuk I keni gatuar vete para se ta publikoni ,megjithate desha tju thoja qe masat nuk jane te sakta.

    Përgjigjiuni

    1. Ne radhe te pare nuk mund te na gjykosh qe recetat nuk i gatuajme vete. Nuk ta lejoj ne asnje menyre spese ne jemi i vetmi sit qe recetat i pergatisim nje here e me pas i botojme. Mund ta shikosh ne fotot apo videot tona.
      Persa i perket mases me gote uji, ti mund te perdoresh nje gote uji qe ke normalisht ne shtepi dhe masa e miellit eshte nje gote me gjysem gote qumesht, cfaredo lloj gote te perdoresh. Zakonisht nje gote eshte 150 ml.

      Përgjigjiuni
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Kungull tave në dy versione

Receta për kungull tavë është një mënyrë e thjeshtë për të përgatitur këtë perime. Kjo recetë gatimi është një gatim tradicional që përdorej shumë nga gjyshet tona, të cilat i ruanin kungujt në vend të errët dhe pa lagështi dhe kështu kishin kunguj për gjatë gjithë dimrit.
0 Shares
0
0
0

Perime në Avull

Perimet bëjnë shumë mirë për shëndetin tonë, sepse përmbajnë vitamina nga më të ndryshmet. Duhet ti konsumojmë sa më shumë gjatë vakteve. Perimet, në çfarë do lloj mënyre i gatuajmë, nuk duhen të jenë shumë të ziera sepse humbasin të gjitha vlerat ushqyese. Zierja në tenxhere me avull është mënyra më e mirë e më e shëndetshme për të gatuar perimet dhe jo vetëm. Në këtë mënyrë perimet nuk janë në kontakt me ujin dhe ruajnë të gjitha vlerat ushqyese.
0 Shares
0
0
0

Musaka me patate

Musaka është një pjatë tipike e kuzhinës greke. Ka shumë variante të musakasë si me patëllxhanë, kunguj, patate apo perime të tjera. Ne këtu e kemi sjellë në variantin me patate. Kjo është një recetë e shijshme dhe që mund ta shërbejmë si pjatë kryesore.
0 Shares
0
0
0

Purè patate

Pureja e patates është një pjatë e shijshme si për fëmijët dhe për të rriturit. Kjo recetë që ne japim është shumë e thjeshtë dhe e shpejtë. Zakonisht për të bërë purenë, patatet zihen më parë me gjithë lëkurë, më pas qërohen dhe kalohen në makinerinë e duhur për të bërë purenë, e pas kësaj zihen me qumësht. Por jo të gjithë mund ta kenë këtë makineri, e për të shkurtuar edhe kohën e përgatitjes kemi menduar të propozojmë recetën e mëposhtëme.
0 Shares
0
0
0