Pastiçe me djathë është një pjatë shumë e shijshme dhe që pëlqehet si nga të vegjëlit dhe të mëdhenjtë. Kjo pjatë shërbehet si pjatë e vetme sepse në të kemi si vezë edhe djathin.Mund ta shoqërojmë me një sallatë të stinës ose perime në furrë o në zgarë. Pastiçon mund ta shërbejmë edhe si pjatë të vetme.
Pastiçe me djathë
Sasia: 6 persona
Kalori: 240kcal
Video
Përbërësit
- 500 gr makarona të gjata spaghetti
- 1 e 1/2 ml qumësht
- 4 kokrra vezë
- 400 gr djathë i bardhë lope
- 100 gr djathë i grirë
- 100 gr gjalpë
- pak kripë
- pak piper sipas dëshirës
Përgatitja
- Për të përgatitur pastiço me djathë, si fillim marrim një tenxhere, e mbushim me ujë dhe e lemë të ziejë. Kur të ziejë uji i hedhim pak kripë, shtojmë makaronat dhe i lemë të ziejnë pak, rreth 5 minuta.
- Ndërkohë në një enë qelqi thyejmë vezët dhe i rrahim. Shtojmë djathin e bardhë të shtypur. I trazojmë mirë.
- Më pas shtojmë dhe qumështin e ftohtë.
- Kullojmë makaronat dhe i shtojmë në enën e qelqit. I trazojmë mirë të gjithë përbërësit.
- Marrim një tepsi dhe e lyejmë me gjalpë. Hedhim në të masën e përgatitur. E sheshojmë mirë. Sipër i hedhim copa gjalpi dhe djathë të grirë.
- Vendosim tepsinë të piqet në furrë të nxehtë 220°C përreth 30 minuta. Më pas fikim furrën dhe e lemë pastiçon në furrë përreth 10 minuta.
- Pastaj e nxjerrim tepsinë me pastiço me djathë, e lemë të ftohet pak, e presim pastiçen në copa dhe e shërbejmë
Receta për pastiço me mish ose pastiço me prime
Ju bëftë mirë nga ArtiGatimit.com
3 comments
shumm tmmiiirraa ii provoovaaa
hahahhahahahhahahahahhahahahahhahahahhahahhyahahahahhahahahahhahahahhahahahahhahashbhahbahhahahahhahahahhahahahahhahaha
Shum e mir ishte te gjith e Pelqejn flm se n’a tregoni ju prsh