Panine me ullinj

Në një gotë me ujë të vakët shkrijmë majanë me sheqerin duke e trazuar me kujdes.

Në tavolinën e punës hedhim miellin dhe në mes shtojmë ujin me majanë dhe vajin e ullirit. Fillojmë të bëjmë brumin, e ngjeshim fort derisa të arrijmë një masë homogjene. Në këtë moment shtojmë kripën dhe vazhdojmë ta ngjeshim për 10 minuta të tjera.

Formojmë një top me brumin e përgatitur e lyejmë sipër me pak vaj ulliri dhe e vendosim në një enë qelqi të cilën e mbulojmë me qeskë kuzhine. E lemë brumin ''të qetësohet'' përreth 1 orë e gjysmë.

Pasi ka kaluar kjo kohë, marrim brumin dhe i shtojmë ullinjtë e prerë në copa të vogla, e trazojmë në mënyrë që ullinjtë të shpërndahen në gjithë masën e brumit. Ndajmë brumin në panine të vogla dhe i vendosim në një tavë me letër furri. Duhet të kemi kujdes që të mos i vendosim shumë afër me njëra tjetrën paninet. Vendosim tepsinë në furrë të fikur dhe i lemë 'të qetësohen' paninet përreth 45 minuta.

Pasi ka kaluar kjo kohë, ndezim furrën në 200°C dhe i pjekim paninet përreth 25-30 minuta derisa të shikojmë që sipërfaqja e panineve ka marrë një ngjyrë të bukur floriri. I shërbejmë paninet të ngrohta ose i mbulojmë me një pecetë të pastër dhe mund ti shërbejmë edhe pas një dite.