Mish pule me kos

Nerti
  • 22/10/2019
Pula me kos është një nga ato recetat që ju këshillojmë ta provoni një herë e që patjetër do ta gatuani gjithmonë. Mishi i pulës i gatuar me kos është një alternativë e recetava të shumta që ekzistojnë për të gatuar këtë lloj mishi. Në këtë recetë ne kemi shtuar disa erëza por nëse nuk ju pëlqejnë mund të mos i shtoni. Hidhini kosit erëzat që preferoni më shumë. Kjo recetë është ideale edhe për ata që janë në dietë e që nuk duan të heqin dorë nga ushqimet e shijshme.

Mish pule me kos

Sasia: 0

Përbërësit

  • 500 gr mish pule kofsha pule e pjesa e bardhë e kraharorit
  • 500 gr kos i bardhë
  • pak kripë
  • pak piper
  • disa erëza të ndryshme arrë moskat, shafran, xhenxhefil
  • pak vaj ulliri

Përgatitja

  • Në një tas hedhim kosin dhe shtojmë erëzat, kripën, piperin. I trazojmë mirë. Më pas marrim mishin e pulës të prerë në copa dhe e shtojmë në kos.
  • E trazojmë mirë dhe e mbulojmë enën me kapak. E lemë në këtë mënyrë të pushojë përreth 1 orë (edhe më pak nëse nuk keni shumë kohë).
  • Pasi ka kaluar kjo kohë, vendosim tiganin në zjarr e hedhim vaj ulliri. Shtojmë në të mishin e pulës të marinuar në kos.
  • E kavërdisim për disa minuta, më pas e mbulojmë me kapak dhe e lemë të piqet derisa të shohim që kremi është trashur. E shërbejmë mishin e pulës të ngrohtë duke i hedhur sipër edhe kremin e kosit.
  • E shoqërojmë pjatën me një sallatë të stinës.

Notes

Përgatitja Mish pule me Kos

Ju bëftë mirë!

In this article:
,,,,,
0 Shares
WhatsApp 0
Facebook 0
Facebook Messenger 0
Twitter 0
Pinterest 0
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
18 comments

  2. Unë e pelqei summm mishin e pules sitomos mishin me erza qe e kam par te Arti gatimi . kam nje pyetje a ka nje video nga tiramisu . bay bay nga liresa ne Zvicer

    Përgjigjiuni

  3. Ne nga jugu e perdorim shume pulen me kos por ne nje version tjeter me me shume asortimente.Marim nje qepe te vogel dhe nje karote dhe i grijme ne rende .Me pas i kavardisim me pak yndyre si te desheroni dhe hedhim edhe copat e pules majdanoz dhe pak nenexhik.Pasi pula te jete gati e heqim menjane dhe e leme te ftohet pak, .ne kete kohe marim nje luge miell nje veze dhe i rahim mire ,hedhim kosin pak piper te kuq dhe i rahim perseri .Masen e perftuar e hedhim aty ku kemi edhe mishin e pergatitur.Sipas tharmit te kosit mund te hedhesh edhe pak limon .Tip frikaseje.eshte shume e mire

    Përgjigjiuni

    1. Visi e hedhim bashke me kosin, por nese ti e shikon qe ka shume kos mund te hedhesh ne fillim mishin, kavardise pak e me pas shto kosin.

      Përgjigjiuni

  5. Diana te falenderojme per receten tende. Duket shume e shijshme. Do ta provojme patjeter. Do ta publikojme sa me shpejt. Dhe nje here faleminderit e vazhdo te na ndjekesh.

    Përgjigjiuni

  6. Pula me kos eshte e shkelqyer ,dhe e lehte per shendetin .Sot e bera dhe me pelqeu faleminderit per sygjerimin .

    Përgjigjiuni

  7. Pershendetje, jeni te mrekullueshem.E provova kete recet me pelqeu shume.Faleminderit per keto receta te shijshme

    Përgjigjiuni

  9. nuk eshte se me pelqen ky kombinim megjithate besoj se do e kuptonim me mire nese do te ishte e shkruar procedura

    Përgjigjiuni
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Shishqebap me mish derri e perime

Shishqebapi përgatitet në mënyra të ndryshme. Mund ta përgatisim me mish derri, qengji, pule epo viçi të njomë. Ne, në këtë recetë i kemi përgatitur edhe me perime e salsiçe të freskëta. Shishqebapi përgatitet në çast, në momentin që do ta shërbejmë, pasi i ftohtë nuk ka shumë shije. Mishi i përgatitur shkohet në shufra druri ose metalike ose në degë dafine apo rozmarine, ( këto të fundit i japin akoma më shumë shije) dhe piqet në skarë apo mbi prush.
0 Shares
0
0
0

Mish viçi me kos

Si te gatuajmë mish viçi me kos në mënyrën më të thjeshtë. Kosi përveçse i jep butësi mishit i kalon edhe një shije të veçantë dhe karakteristike. Edhe pse mund të ngjasoje me tave kosi, kjo pjatë është me të vërtet shume e shijshme dhe për tu provuar.
2 Shares
0
0
2

Pulë me Kunguj e Rukola

Kjo është një mënyrë e veçantë për të gatuar pulën, më saktësisht mishin e bardhë të pulës (pjesën e kraharorit). Një pjatë e thjeshtë për tu përgatitur, dhe e shpejtë sepse mishi i bardhë piqet shumë shpejt. Mishin e shoqërojmë me kunguj dhe sallate rukola.
0 Shares
0
0
0

Gjel deti i pjekur

Gjeli i detit është një karakteristikë e darkës së funvitit në Shqipëri. Nuk mund ta mendojmë tryezën pa patur në mes të saj mishin e pjekur të gjelit të detit. Ne e kemi pjekur shumë thjesht, veç me kripë e gjalpë, pa shtuar erëza të tjera, por nëse dëshironi mund ti shtoni piper ose ta mbushni me arra.
0 Shares
0
0
0

Mish qengji në furrë me anginare

Mishi i qengjit mund të gatuhet në shumë mënyra. Ne këmi sjellë një recetë ndryshe, e kemi shoqëruar këtë mish që ka një shije të fortë me angjinare të cilat e thyejnë këtë shije. Po kështu, gjithmonë për ti hequr mishit këtë aromë të fortë, përpara se ta përgatisim, e vendosim të marinohet me verë dhe erëza të ndryshme.
0 Shares
0
0
0