Giuvarlakia ( pjatë tradicionale greke)

Anila
  • 22/10/2019
Giuvarlakia, është një pjatë tradicionale greke. Zakonisht gatuhet në ditë të ftohta, pasi shërbehet e nxehtë. Por duke parë se vera është vetëm në hapat e para, një pjatë e shijshme nuk refuzohet asnjëherë.

Giuvarlakia ( pjatë tradicionale greke)

Sasia: 0

Përbërësit

  • 500 gr mish i grirë mish derri i përzier me mish viçi ose vetëm njëri
  • 1/3 filxhan çaji oriz
  • 1 qepë e grirë
  • 1 vezë
  • 4-5 lugë majdanoz
  • 2 lugë jelle nenexhik ose kopërr sipas dëshirës
  • pak miell
  • pak kripë
  • pak piper
  • pak vaj ulliri

  • Për salcën nevojiten

  • 1 -2 vezë sipas dëshirës
  • 1-2 limona sipas dëshirës
  • 1-2 lugë gjelle corn flower ose niseshte
  • pak miell
  • 1 gotë ujë i ftohtë

Përgatitja

  • Hedhim mishin e grirë në një enë, dhe shtojmë vezën, qepën, majdanozin, erëzat e tjera, kripën, piperin, pak vaj dhe orizin qe i kemi dhënë një valë më përpara. I përziejmë mirë dhe fillojmë të bëjmë me dorë kokrra të vogla qoftesh me madhësinë e një kokërr arre ose dhe pak më të mëdha.
  • Pasi kemi hedhur miell në një pjatë të cekët, i lyejmë qoftet e vogla me miell dhe i hedhim ngadalë në një tenxhere të gjerë me ujë të zier, ( pasi e kemi vënë tenxheren me ujë të mjaftueshëm në zjarr, pak më tepër se gjysma e tenxheres, në mënyrë që të mbulohen qoftet e vogla, dhe pasi uji ka filluar të zjejë, i ulim temperaturën dhe fillojmë ti hedhim qoftet e vogla (Giuvarlakiat) brenda, por me kujdes). I lëmë të ziejnë 20-30 minuta.

Përgatitja e salcës

  • Pasi kanë zier, ulim temperaturën e sobës. Hedhim vezën në një enë, shtojmë lëngun e limonit dhe corn flower ose niseshte (mund të shtojmë dhe pak miell) dhe i rrahim të gjitha së bashku derisa të bëhet një masë e trashë. Shtojmë gotën e ujit dhe pak lëng nga tenxherja (uji i ftohtë ndihmon që kur të hedhim lëngun nga tenxherja që është i nxehtë, të krijohet një temperaturë jo shumë e lartë që të mos na pritet veza) dhe i rrahim të gjitha bashkë. Salcën e përgatitur e hedhim ngadalë në tenxhere dhe NUK E TRAZOJMË. E lëmë të ziejë edhe 5 minuta akoma në temperaturë të ulët dhe e fikim sobën. Gjella jonë është gati. Mund të shoqërohet me djathë të dhe ullinj.

Notes

Ju bëftë mirë!

In this article:
,,,,
0 Shares
WhatsApp 0
Facebook 0
Facebook Messenger 0
Twitter 0
Pinterest 0
Mail 0
Post written by:
Follow
7 comments

  1. Ju falenderoj nga zemra per keto receta te mrekullueshme qe na servirni, me ndihmojne se tepermi ne cdo moment, per te gatuar shpejt, per te nderruar gojen per te pritur miq apo per te kenaqur femijet. Ju falenderoj pa mase, suksese!

    Përgjigjiuni

  5. Eshte nje recete fantastike.
    Mua me pelqen shume,ju falenderoj nga zemra per recetat e mrekullueshme qe servirni per ne.

    Përgjigjiuni
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Gjellë me qofte

Qoftet janë shumë të përdorura në kuzhinën shqiptare. Një version ndryshe nga recetat klasike është receta gjellë me qofte. Një pjatë e dytë shumë e shijshme dhe e thjeshtë për tu përgatitur.
0 Shares
0
0
0

Shishqebap me mish derri e perime

Shishqebapi përgatitet në mënyra të ndryshme. Mund ta përgatisim me mish derri, qengji, pule epo viçi të njomë. Ne, në këtë recetë i kemi përgatitur edhe me perime e salsiçe të freskëta. Shishqebapi përgatitet në çast, në momentin që do ta shërbejmë, pasi i ftohtë nuk ka shumë shije. Mishi i përgatitur shkohet në shufra druri ose metalike ose në degë dafine apo rozmarine, ( këto të fundit i japin akoma më shumë shije) dhe piqet në skarë apo mbi prush.
0 Shares
0
0
0

Mish qengji në furrë me anginare

Mishi i qengjit mund të gatuhet në shumë mënyra. Ne këmi sjellë një recetë ndryshe, e kemi shoqëruar këtë mish që ka një shije të fortë me angjinare të cilat e thyejnë këtë shije. Po kështu, gjithmonë për ti hequr mishit këtë aromë të fortë, përpara se ta përgatisim, e vendosim të marinohet me verë dhe erëza të ndryshme.
0 Shares
0
0
0

Pjatancë me mish në zgarë e sallatë rukola

Kjo është një pjatë shumë e thjeshtë, ku përbërësi kryesor është mishi i viçit. Duhet të jetë mish i zgjedhur, një filetë me trashësi 4-5 cm dhe duhet ta pjekim në zgarë jo më shumë se 5-6 minuta për anë. I vënë mbi një shtresë sallate rukola, dhe sipër pak parmixhan, është me të vërtetë një pjatë që shijohet në cdo stinë.
0 Shares
0
0
0

Mish pule me portokalle

Kjo pjatë është një pjatë e lehtë dhe e shëndetshme. Mishi i bardhë i kraharorit të pulës është shumë i mirë nëse gatuhet në mënyrën e duhur. Ky mish është i këshillueshëm edhe për fëmijët e vegjël. Kjo recetë e shpejtë është e përshtatshme edhe për ta. Mjafton pak mish i bardhë dhe portokalle dhe në pak minuta do të keni një pjatë të shijshme.
0 Shares
0
0
0