Kunguj të rrumbullakët të mbushur me oriz dhe gorgonzola

Kungujt kanë vitaminë A dhe C dhe kanë pak kalori, rreth 95% e tyre është ujë. Ekzistojnë disa lloje kungujsh. Për këtë recetë kemi zgjedhur kungujt e rrumbullakët pasi janë më të përshtatshëm për mbushje. Mund ti mbushim në mënyra të ndryshme. Ne po japim një variant me oriz dhe djathë gorgonzola. Ky lloj djathi është tipik i Italisë (zona e Lombardisë dhe Piemonte). Gorgonzola është një djath i butë, kremoz që prodhohet me qumësht lope. Ka një shije të veçantë dhe të fortë. Në këtë recetë ky djath bashkohet me orizin që i jep një shije të veçantë.

Kunguj të rrumbullakët të mbushur me oriz dhe gorgonzola

Sasia: 0

Përbërësit

  • 4 kungulleshka të rrumbullakëta
  • 100 gr oriz
  • 100 gr djathë gorgonzola
  • 60 gr djathë parmixhan të grirë
  • pak kripe
  • pak gjalpë

Përgatitja

  • Pasi i kemi larë kungujt i vendosim në një tenxhere të ziejnë. Hedhim dhe orizin të ziejë në ujë me kripë një tenxhere tjetër.
  • Kur kungujt të jenë zier (duhet të kemi kujdes që të mos ziejnë shumë), i presim pjesën e sipërme dhe me kujdes i heqim dhe pjesën e brendshme. Pasi i kemi zbrazur të gjithë kungujt, pjesën e brendshme e kavërdisim në një tigan me gjalpë.
  • Pasi orizi është zier e kullojmë dhe e hedhim në një enë të madhe. Bashkojmë në të djathin gorgonzola, gjalpin, djathin parmixhan dhe pjesën e brendshme të kungujve.
  • E trazojmë me kujdes që të gjithë përbërësit të shkrihen mirë. Pastaj marrim kungulleshkat dhe i mbushim brenda. I vendosim në një tavë ku kemi shtruar letër furri. Tavën e pjekim përreth 20-30 minuta. Kunguj të rrumbullakët të mbushur me oriz i shërbejmë të ngrohtë.

Notes

Video Receta

Ju bëftë mirë

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Supë krem me lulelakër

Supa me lulelakër është një pjatë e parë e shijshme, e lehtë dhe e shëndetshme. Lulelakra është një perime tipike e stinës së ftohtë të dimrit. Me të mund të përgatisim shumë receta të shijshme. Në këtë recetë ne e kemi përgatitur supë krem e cila është shumë e mirë edhe për fëmijët.

Rizoto me luleshtrydhe

Rizoto me luleshtrydhe është një pjatë e rafinuar. Kjo recetë është shumë e thjeshtë por që ka një shije shumë delikate. Këtë pjatë mund ta përgatisni dhe për një darkë romantike dhe do të ketë shumë efekt te personi që e shijon.

Tavë me bathë e kumbulla

Batha, kjo bimë bishtajore është e përbërë pothuajse e gjitha nga ujë dhe në pjesë të vogla nga karbohidrate, proteina e fibra. është e pasur me kripëra minerale e vitamine të grupit B. Midis të gjitha bishtajoreve të tjera, bathët janë të vetmet që kanë më pak kalori. Receta që ne sjellim është e thjeshtë dhe me një shije të veçantë sepse është ndërthur ëmbëlsia e kokrrave të bathës së freskët me thartësinë e kumbullës.